Lo libre dels ausèls

Una mirgalhada de cants, poèmas, contes ont l'ausèl es al centre de l'univèrs. retrobaretz lo lauriòl, lo cardelin, o d'ausèls mens coneguts coma la ganitòrta. A l'aurelha, de poèmas coma un buf de vida, de cants de jòia. Una poèsia leugièra e fresca d'un temps ont los poètas cantavan lor ligam a la natura. Los dos libres dels ausèls "coma totei leis autrei peças esparpalhadas dins son òbra, son lei racòntes d'una iniciacion a l'escritura que seriá pas estada sensa l'escota dau mond que soleta la mediacion de l'aucèu la fai possible". Aquel recuèlh nos remanda a "la recerca pacienta d'aqueu ligam primièr ont lo monde cosmic se confond amb lo dei mots occitans, aquelei mots que Perbòsc, tot de lòng de son existéncia, s'es esforçat de lei sauvar de l'oblit" Felip Gardy. Aquela edicion es seguida d'un lexic dels noms d'ausèls establit per Pèire Thouy. Lo prefaci es estat escrich per Felip Gardy. La biografia com la bibliografia son de Josiana Bru, que menèt un vertadièr trabalh de fons sus l'òbra de Perbòsc.