Heisei

Aqui qu'èm hentz un « space opera » qui'ns demia, au sègle XXIau, deu parçan de las Pirenèas, sus ua Tèrra mond-virada, entà-d ua planeta-preson Heisei, en un raconte negue e sagnós qui hè pantaixar tot de long deu libi.Lo Francés Pojada qu'es un « godaric », un resistent qui's hè gahar preus sordats de l'empèri qui dauneja daravant sus Tèrra. Que serà lèu deportat sus ua planeta desconeixuda, au cap d'un viadge entergalactic deus longuèirs. Viadge hastiau, holejant capvath l'in.hèrn que representa ua fusada ond s'acarcússann milèrs de presoèirs, tantvau bèstias de nada valor. E mei los subervius que's tumaran en d'autes trabucs. Mès acò qu'at sauratz en bèth entamiar lo raconte. Solide que'vs tienerà dinc'a la fin de la fin, e que'vs harà dòu de que s'arrèsti tan viste... Ua Sciéncia-Ficcion en gascon de las qui agràdann.Joann-Francés BLANC, vadut en 1961 en Agen, qu'es engenhaire en informatica a Paris. Qu'estó tabé president de l'Institut d'Estudis Occitans d'Isla-de-França. Lingüista e istorian de formacion, qu'a arradics en Labrit e Albigés..